དྲ་རྒྱ་ངོ་སྤྲོད།

༄༅། །སོག་པ་འཇམ་དབྱངས་ཁང་ཚན་ཞེས་པའི་དྲ་བ་འདི་སོག་པ་འཇམ་དབྱངས་ཁང་ཚན་གྱི་ཤེས་ཡོན་ལྷན་ཚོགས་ཀྱི་ཚོགས་མི་དགེ་བཤེས་བློ་བཟང་རྣམ་རྒྱལ་དང་དགེ་འདུན་པ་འགས་ཁང་ཚན་འདིའི་ཆོས་ཕྱོགས་ཀྱི་དགོས་མཁོ་ལ་གཟིགས་དེ་སྒྲིག་སྦྱོར་བྱས་པ་ཞིག་ཡིན། དམིགས་ཡུལ་གཙོ་བོ། ཁང་ཚན་འདི་ནས་སློབ་གཉེར་མཐར་ཕྱིན་ཏེ་སངས་རྒྱས་ཀྱི་བསྟན་པ་དང་སེམས་ཅན་གྱི་བདེ་སྐྱིད་ལ་ཕན་རླབས་ཆེན་པོ་གནང་པའི་གནའ་དེང་གི་བསྟན་འཛིན་གྱི་སྐྱེས་ཆེན་རྣམས་ཀྱི་རྣམ་ཐར་དང་དེ་རྣམས་ཀྱི་གསུངས་རྩོམ་དང་། ལོ་རྒྱུས་དུས་རབས་ཀྱི་འགྲོས་དང་བསྟུན་ནས་ཁང་ཚན་འདི་ལ་འབྲེལ་ཡོད་གཞོན་སྐྱེས་ཚོ་ནང་ཆོས་དང་བོད་ཡིག་ལ་སྤྲོ་བ་བསྐྱེད་པ་དང་ཁང་ཚན་ལ་དོ་སྣང་བྱེད་མཁན་དང་འབྲེལ་ཡོད་རྣམས་ཀྱིས་ཁང་ཚན་འདིའི་དངོས་ཡོད་གནས་ཚུལ་མཁྱེན་རྟོགས་ཡོང་བའི་ཆེད་དུ་དྲ་རྒྱ་འདི་བཟོས་པ་ཡིན།