༄༅། །འཇམ་མགོན་རྒྱལ་བ་གཉིས་པའི་རྒྱལ་ཚབ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་ལ། དགའ་ལྡན་ཤར་རྩེ་ཐོས་བསམ་ནོར་གླིང་གྲྭ་ཚང་ནས་ཇི་ལྟར་གསོལ་འདེབས་ཞུས་ཏེ་བཀའ་བཞེས་བཟང་པོ་སྤྱི་ཕེབས་བྱུང་དོན་བཞིན། བོད་རབ་གནས་ཆུ་སྟག་ལོའི་བོད་ཟླ་༠༣པའི་ཚེས་ ༢༤། ཕྱི་ལོ་ ༢༠༢༢ ཟླ་ ༠༥ ཕྱི་ཚེས་ ༢༤ ཉིན་ནས། དཔལ་རྡོ་རྗེ་འཇིགས་བྱེད་ལྷ་བཅུ་གསུམ་གྱི་དབང་ཆེན་གྱི་སྟ་གོན་དང་དངོས་གཞི་ཉིན་གཉིས། ཕྱི་ཚེས་ ༢༦ ནས་ ༣༠ བར་ཉིན་ལྔའི་རིང༌། རྗེ་ཙོང་ཁ་པ་ཆེན་པོའི་གསུང་དཔལ་གསང་བ་འདུས་པའི་རྣམ་གཞག་རིམ་པའི་རྣམ་བཤད་དང་། དཔལ་གསང་བ་འདུས་པའི་སྒྲུབ་ཐབས་རྣལ་འབྱོར་དག་རིམ་དང༌། དཔལ་རྡོ་རྗེ་འཇིགས་བྱེད་ལྷ་བཅུ་གསུམ་མའི་སྒྲུབ་ཐབས་ཟ་མ་ཏོག འཇིགས་བྱེད་དཔའ་གཅིག་གི་སྒྲུབ་ཐབས་བདུད་ལས་རྣམ་རྒྱལ། གཤིན་རྗེ་གཤེད་དམར་ནག་གི་སྒྲུབ་ཐབས་རིན་ཆེན་འབར་བ། བཅུ་གསུམ་མ་གསུམ་གྱི་དཀྱིལ་ཆོག་རིན་ཆེན་ཕྲེང་བ། འཇིགས་བྱེད་ཀྱི་སྦྱིན་སྲེག་དངོས་གྲུབ་རྒྱ་མཚོ། རྣལ་འབྱོར་བཞིའི་རིམ་གྱི་ཊིཀྐ་དང༌། དེའི་ཡིག་ཆུང༌། ཞེ་དགུ་མའི་ཟིན་བྲིས། འཇམ་དཔལ་ཞི་དྲག་གི་སྲུང་བ། འཇིགས་བྱེད་ཀྱི་ཕྱག་མཚན་སོགས་ཀྱི་བཤད་པའི་ཟིན་བྲིས། འཇིགས་བྱེད་ཀྱི་དག་སྦྱོར། ཁྲོ་བཅུའི་ཟིན་བྲིས། འཇམ་དབྱངས་ཞི་ཁྲོ་སྦྲགས་སྒྲུབ་ཐུན་མོང་མ་ཡིན་པ། འཇིགས་བྱེད་སེར་པོ་ལ་བརྟེན་པའི་ཤིན་ཏུ་ཟབ་པའི་མན་ངག །ཡི་གེ་བཞི་པའི་སྲུང་བ་དང་མན་ངག །རྩ་གསུམ་དང་གཤིན་རྗེ་སྦྱོར་ཚུལ་རྩ་འགྲེལ་བཅས་རྗེ་ཙོང་ཁ་པ་ཆེན་པོའི་གསུང་འབུམ་ནང་བཞུགས་དཔལ་རྡོ་རྗེ་འཇིགས་བྱེད་ཀྱི་ཆོས་སྐོར་ཆོས་ཚན་ཁག ༡༦ གི་བཤད་ལུང་བཅས་གནང་གཏན་འཁེལ་ཡོད་པས།
དད་ལྡན་ཆོས་ཞུ་བ་རྣམས་ཀྱི་དགོངས་པར་མངའ་བ་ཞུ།  2022.04.24