ཐོར་བུ་སྣ་ཚོགས་ཀྱི་སྐོར།
༄༅། །རྗེ་བླ་མ་ལ་བརྟེན་པའི་བླ་མའི་རྣལ་འབྱོར་སོགས་ཐོར་བུ་སྣ་ཚོགས་ཀྱི་ལེ་ཚན་བཞུགས་སོ།། ༄༅། །ན་མོ་གུ་རུ་བྷྱཿ འདིར་བླ་མའི་རྣལ་འབྱོར་སྒོམ་པར་འདོད་པས། །སྐྱབས་སེམས་སྔོན་དུ་བཏང༌། ཆོས་དབྱིངས་ངང་ལས་མདུན་གྱི་མཁའ་དབྱིངས་སུ། །སེང་ཁྲི་པདྨ་ཟླ་བའི་གདན་སྟེང་དུ། །བླ་མ་མཆོག་གསུམ་ཡི་དམ་ཞི་ཁྲོ་དང༌། །རྒྱལ་དང་རྒྱལ་སྲས་དཔའ་བོ་མཁའ་འགྲོ་དང༌། །རང་རྒྱལ་ཉན་ཐོས་ཆོས་སྐྱོང་སྲུང་ཚོགས་བཅས། །སྐྱབས་གནས་མ་ལུས་འདུས་པའི་ངོ་བོ་ཉིད། །རིགས་གསུམ་སྒྱུ་འཕྲུལ་འཇམ་མགོན་བློ་བཟང་གྲགས། །སྐུ་མདོག་དཀར་ལ་དམར་བའི་མདངས་ཆགས་ཤིང༌། །ཕྱག་གཉིས་ཆོས་འཁོར་…