༄༅།།ན་མོ་གུ་རུ་བཛྲ་བྷཻར་ཝཱ་ཡ་སིདྡྷི་བྷྱཿ །འདིར་མོ་རྒྱུད་ཀྱི་སྲུང་མའི་གཙོ་པོ་ཨ་ཕྱི་ཆོས་ཀྱི་སྒྲོལ་མ་ལ་མཆོད་གཏོར་འབུལ་པར་འདོད་པས། འདི་ཉིད་ཀྱི་རྟེན་བཀྲམ་པའི་མདུན་དུ་མཆོད་གཏོར་སྤྱན་གཟིགས་སོགས་བཤམས། རང་ལྷའི་ང་རྒྱལ་དང་ལྡན་པས་མཆོད་གཏོར་བྱིན་གྱིས་བརླབས། དེ་ནས་རྟེན་བསངས་སྦྱངས།སྟོང་པའི་ངང་ལས་དུར་ཁྲོད་ཆེན་པོས་སྐོར་བའི་གཞལ་ཡས་ཁང་མཚན་ཉིད་ཐམས་ཅད་རྫོགས་པའི་དབུས་སུ་པད་ཟླ་ཉི་མའི་གདན་ལ་ཧྲཱིཿ དཀར་པོ་ལས་བསྟན་སྐྱོང་ཆེན་མོ་ཨ་ཕྱི་ཆོས་ཀྱི་སྒྲོལ་མ་སྐུ་མདོག་དཀར་ལ་དམར་བའི་མདངས་ཆགས་པ་ཞལ་གཅིག་ཕྱག་གཉིས་སྤྱན་གསུམ་པ། གཡས་ཐོད་བ…

༄༅། །ཧཱུཾ། མཆོག་ཐུན་དངོས་གྲུབ་མྱུར་སྩོལ་བླ་མ་ལྷ། །བླ་མགོན་དབྱེར་མེད་སྐྱབས་གནས་ཀུན་འདུས་སུ། །ཡིད་ཆེས་དད་པས་སྙིང་ནས་གུས་བསྟེན་ཏེ། །ཀུན་བཟང་མཆོག་སྤྲིན་རྒྱ་མཚོས་མཆོད་བགྱིད་ན། །བསྟན་དང་བསྟན་འཛིན་བུ་ལྟར་སྐྱོང་མཛོད་ལ། །རབ་འབྱམས་ལས་བཞིའི་འཕྲིན་ལས་ཀུན་འགྲུབ་ཅིང༌། །མི་ནོར་མཁོ་དགུ་དབང་དུ་འདུ་བ་དང༌། །ཕ་རོལ་བྱད་ཕུར་རྦོད་གཏོང་ནད་རིམས་སོགས། །དགྲ་བགེགས་བྱད་མའི་སྟེང་དུ་བསྒྱུར་ཞིང་བཟློག །གང་ལ་འཚེ་བྱེད་དམ་ཉམས་བསྟན་དགྲ་འདིའི། །སྙིང་བྱུང་ཤ་ཟོ་ཁྲག་དྲོན་ཧུབ་ཀྱིས་འཐུང༌། །སྐྱོབ་བྱེད་ལྷ་འདྲེ་རང་གི་གཤེད་དུ་ཕོབ། །མ་གཡེལ་ལ…

༄༅། ཧཱུཾ ༑ སྦྲོས་བྲལ་ཆོས་ཀྱི་དབྱིངས་ལས་གཡོ་མེད་ཀྱང༌། །རྔམས་འཇིགས་གཏུམ་དྲག་ཉམས་བརྒྱས་དགྲ་སྡེའི་དཔུང༌། །འཇོམས་མཛད་དྲེགས་པའི་རྗེ་བོར་མངའ་གསོལ་བ། །དམ་ཅན་སྲུང་མའི་ཚོགས་རྣམས་བདག་ལ་དགོངས། །ཐུགས་བསྐྱེད་རྩིབས་སྟོང་གསེར་སྦྱངས་འཁོར་ལོ་ཡིས། །ཐུབ་བསྟན་སྲིད་ལ་དབང་བསྒྱུར་ཆོས་ཀྱི་རྒྱལ། །སྐྱེས་མཆོག་དམ་པའི་ཞབས་ཟུང་བསྐལ་བརྒྱའི་བར། །རྟག་བརྟན་འཕྲིན་ལས་ས་གསུམ་ཡོངས་ཁྱབ་མཛོད། །ཐུབ་བསྟན་སྤྱི་དང་འཇམ་མགོན་ཙོང་ཁ་པའི། །རིང་ལུགས་དྲི་མེད་ཕྱོགས་མཐར་རྒྱས་པ་དང༌། །མང་ཐོས་ཁྲིམས་ལྡན་དགེ་འདུན་འདུས་པའི་སྡེ། །དབྱར་མཚོ་ལྟ་བུར་རྒྱས་པའི…

༄༅། །སྐྱབས་གསུམ་འདུས་ཞལ་རྩ་བའི་བླ་མ་དང༌། །དབྱེར་མེད་སྙིང་རྗེའི་རང་གཟུགས་མྱུར་མཛད་མགོན། །བཀའ་ཉན་འཁོར་ཚོགས་རྒྱ་མཚོའི་ཚོགས་རྣམས་ཀྱིས། །ཆོས་མཐུན་འཕྲིན་ལས་བསྒྲུབ་ལ་མ་གཡེལ་བར། །དཔལ་ལྡན་བླ་མའི་སྐུ་ཚེ་མཛད་འཕྲིན་དང༌། །དགེ་འདུན་སྡེ་འཕེལ་ཆོས་སྤྱོད་བྱ་བ་སོགས། །ཡར་ཟླའི་དཔལ་བཞིན་འཕེལ་ཞིང་རྒྱས་པ་དང༌། །མི་མཐུན་གནོད་པའི་བར་ཆད་ཉེར་འཚེའི་རིགས། །དམིགས་མེད་ཆོས་དབྱིངས་ཀློང་དུ་ཉེར་བཅོམ་སྟེ། །ཚེ་བསོད་ཡོན་ཏན་འདབ་སྟོང་པདྨོའི་ཚལ། །རབ་བཞད་ཆོས་སྲིད་དགེ་མཚན་སྦྲང་རྩིའི་བཅུད། །ཐར་འདོད་རྐང་དྲུག་དཔལ་དུ་རྒྱས་གྱུར་ཅིག །ཅེས་པ་འདི་…

༄༅། །ཨོཾ་སྭ་སྟི་སི་དྡྷཾ། རྨད་བྱུང་བྱེ་བ་ཕྲག་བརྒྱའི་ཞིང་ཁམས་སུ། །གསང་གསུམ་སྒྱུ་འཕྲུལ་དྲ་བའི་རོལ་རྩེད་མཁན། །བླ་མ་ཁྱབ་བདག་གཤིན་རྗེའི་གཤིད་པོ་ཡིས། །རྣམ་ཀུན་དགེ་བའི་ཤིས་བ་ཆར་དུ་ཕོབས། དེ་ལ་འདིར་རབ་གནས་ཀྱི་ཆོ་ག་དགེ་ལེགས་རྒྱ་མཚོའི་ཆར་འབེབས་དང༌། འཇམ་མགོན་བསྟན་པའི་སྒྲོན་མེའི་ཟུར་འདེབས་གཉིས་གཞིར་བྱས་ཏེ་ལག་ལེན་གྱི་ཐོ་ཅུང་ཟད་འགོད་པ་ལ། སྡོམས་ལས། བདག་བསྐྱེད་ཁྲུས་སྟེགས་བུམ་པ་དང༌། ཞེས་སོགས་ལྟར། ཁྲུས་སྟེགས་གྲུ་བཞི་བ་མཚན་ཉིད་དང་ལྡན་པའི་དབུས་སུ་རྣམ་རྒྱལ་བུམ་པ། དེའི་གཡོན་དུ་ལས་བུམ། ཤར་ནས་བརྩམས་ཏེ་གཡས་སྐོར་དུ་པད་འདབ…

༄༅། །ན་མོ་གུ་རུ་བཛྲ་དྷ་ར་ཡ། བདེ་སྟོང་ཟུང་འཇུག་ཆོས་སྐུའི་མཁའ་དབྱངས་སུ། །ལྔ་ལྡན་ཆ་ཤེས་ཡོངས་གང་གཟུགས་ཀྱི་ཟླ། །བགྲང་ཡས་འགྲོ་བློའི་རྫིང་བུ་ཇི་སྙེད་དུ། །འཆར་མཛད་བླ་མ་རྡོ་རྗེ་འཆང་དེར་འདུད། །སྣང་སྟོང་ལྷ་སྐུར་གསལ་བའི་རྣལ་འབྱོར་གྱིས། །སྐལ་བཟང་གདུལ་བྱའི་བསོད་ནམས་ཞིང་གི་ཡུལ། །སྐུ་གསུང་ཐུགས་རྟེན་དམ་ཡེ་དབྱེར་མེད་དུ། །སྒྲུབ་བྱེད་ཆོ་གའི་ངག་འདོན་བྲི་བར་བྱ། །འདིར་སྐུ་གསུང་ཐུགས་ཀྱི་རྟེན་ལ་རབ་གནས་བྱ་ཚུལ་མདོར་བསྡུས་འགོད་པ་ལ། དེ་ཡང་འདུལ་འཛིན་རིན་པོ་ཆེའི་རབ་གནས་བསྡུས་པའི་སྡོམས་ལས། སྔོན་འགྲོ་གཏོར་མ་མཆོད་རྫས་རྣམས། །བསང…

ན་མོ་གུ་རུ་ཨཱརྱ་ཛམྦྷ་ལ་ཡ་སརྦ་སིདྡྷི་མེ་པྲ་ཡཙྪནྡ། །རབ་མཛེས་ལི་ཁྲིའི་རྡུལ་བརྩེགས་ལྷུན་པོ་ལ། །རྣམ་མང་མཚན་དཔེའི་རྒྱན་གྱིས་སྤུང་པ་བཞིན། །ཡིད་འཕྲོག་འདོད་དགུའི་མཆོག་སྦྱིན་ཛམྦྷ་ལས། །འཛད་མེད་མཆོག་ཐུན་དངོས་གྲུབ་ཆར་དུ་བསྙིལ། །འདིར་གྲྭ་བ་མངོན་ཤེས་ཅན་གྱི་ལུགས་ཀྱི་ནོར་གྱི་བདག་པོ་འཕགས་པ་ཛམྦྷ་ལ་དམར་པོ་ལ་བརྟེན་ནས་ནོར་སྒྲུབ་བྱ་ཚུལ་ལ། །གྲུབ་ན་དམ་པའི་མན་ངག་ལྟར་གྱི་འཁོར་ལོ་བྲི་བའམ། །འཛམ་ལྷ་གཞན་གྱི་གཏེར་སྒྲུབ་ལྟར་གྱི་གཏེར་སྒྲོམ་འདུ་བྱས། གཏེར་རྫས་ཀྱང་རྐུ་འཕྲོག་སོགས་ཀྱི་རྫས་དང༌། དམ་སེལ་ཅན་གྱི་ལག་མ་བརྒྱུད་པ། བླ་མ་དགེ་བ…

༄༅། །ན་མོ་གུ་རུ་ཙ་ཏ་ཐཱ་ག་ཏ་རཏྣ་ཏེ་ཛཱ་ཡ། །རྨད་བྱུང་ཐུགས་བསྐྱེད་ནམ་མཁའི་ནོར་བུའི་གཟི། །གསང་གསུམ་མཛད་པའི་མན་ཤེལ་དང་འགྲོགས་པས། །དཀོར་སྒྲིབ་བུད་ཤིང་སྨག་མེད་སྲེག་མཛད་པ། །བདེ་གཤེགས་རིན་ཆེན་མེ་ལ་སྙིང་ནས་འདུད། །སྐལ་བཟང་དད་པའི་འདབ་བརྒྱའི་ལྟོ་བ་རུ། །བྱིན་རླབས་འབུམ་ཕྲག་ཚ་ཟེར་ཞུགས་པའི་མོད། །དོན་གཉིས་ལྷུན་གྲུབ་སྦྲང་རྩི་རྒྱས་བྱེད་པའི། །མཆོད་ཆོག་ཉིན་བྱེད་དབང་བོ་དེང་འདིར་ཤར། །འདིར་དེ་བཞིན་གཤེགས་པ་རིན་ཆེན་མེ་ལ་བརྟེན་ནས་སྟོང་མཆོད་བྱ་ཚུལ་ལ་སྦྱོར་དངོས་རྗེས་གསུམ་ལས། །དང་པོ་ནི། །གནས་ཁང་བྱི་དོར་བྱས་ལ་མགོན་པོ་འདིའི་སྐུ…

ན་མོ་གུ་རུ་བཛྲ་བྷ་རཱ་ཡ། འདིར་གསང་བདག་གི་རྒྱུན་འཁྱེར་འགོད་པ་ལ། སྐྱབས་སེམས་སྔོན་དུ་བཏང་ལ། སྭ་བྷཱ་ཝས་སྟོང་བར་སྦྱངས། སྟོང་པའི་ངང་ལས་པདྨར་ཚངས་དབང་དང༌། བརྒྱ་བྱིན་ཁ་སྤུབ། སོག་ཕྲག་ཟླ་ཉིའི་སྟེང༌། །ས་བོན་ཕྱག་མཚན་ཧཱུཾ་གིས་མཚན་པ་ལས། །འོད་འཕྲོས་དོན་གཉིས་བྱས་འདུས་པ་སྐད་ཅིག་གིས། །གསང་བདག་རྩ་ཞལ་མཐིང་ནག་གཡས་དཀར་བོ། །གཡོན་དམར་ལྗགས་འདྲིལ་མཆེ་གཙིགས་སྤྱན་གསུམ་བསྒྲད། །ཕྱག་དྲུག་ཐོག་མས་རྡོ་རྗེ་སྡིགས་མཛུབ་དང༌། །དེ་འོག་ཐལ་མོས་སྒྲ་སྒྲོགས་ཡུམ་ལ་འཁྱུད། །ཐ་མས་སྟོབས་རྒྱུ་རིགས་ལྡན་འཛིན་ཅིང་གསོལ། །གོས་སྔོན་སྟོད་གཡོགས་སྟག་ཤམ་ཀླ…