2020 བྲག་དཀར་དགོན་བཀྲ་ཤིས་དགེ་འཕེལ་གླིང་ནི། ཕྱོགས་བཞི་ཆོས་རྗེ་བསམ་འགྲུབ་ཚང་གིས་བཏབ། འདེབས་ལོ་གསལ་བོ་མ་ངེས་ནའང་། འདི་བ་པཎ་ཆེན་བློ་བཟང་ཆོས་རྒྱན་གྱི་སློབ་མ་ཡིན་པར་བཤད་པས། པཎ་ཆེན་འདི་བ་རབ་བྱུང་བཅུ་བའི་ལྕགས་སྟག་ལོར་འཁྲུངས་ཤིང་། རབ་བྱུང་བཅུ་གཅིག་པའི་ཆུ་རྟ་ལོར་འདས་པ་དང་བསྡུར་ན། རབ་ཕྱོགས་ཀྱི་སྨད་དམ་རབ་དྲག་གི་སྟོད་ཅིག་ཏུ་བཏབ་པར་འདྲ། མདོ་སྨད་ཆོས་འབྱུང་ལས་སྔོན་མ་ཞིག་གིས་བར་བཞིར་དགོན་པ་བཞི་བཏབ་གསུངས་པ་དེའི་འདེབས་པ་བོ་དང་དགོན་པ་བཞི་བོའི་མིང་ཙམ་ཡང་མི་ངེས། གང་ལྟར་ཡང་ཆོས་རྗེ་བསམ་འགྲུབ་ཚང་བར་བཞིའི་དགོན་པར་བཞུགས…

2020 དཀར་ཆེན་བྱམས་པ་གླིང་ནི་མཚན་སྒྲོགས་མཁན་པོ་ཡོན་ཏན་གྲགས་པས་ཕྱག་འདེབས་མཛད། དགོན་འདིའི་ལོ་རྒྱུས་བསྡུས་པ་ཞིག་ལ། སྤྱི་ལོ་༡༣༥༠ ལོར་གསར་འདེབས་བྱས་ཞེས་བྲིས་ཀྱང་། མཁན་ཆེན་འདི་བ་༡༦༨༤ ལོར་འཁྲུངས་པར་གསུངས་པ་དང་། སྤྲོ་ཚིགས་དགོན་ ༡༧༤༩ ལོར་བཏབ་པར་བཤད་པ་ལྟར་ན་འདིའི་ཡས་མས་ཞིག་ཏུ་བཏབ་པར་མངོན། དེ་ནས། ཨ་མཆོག་ངག་དབང་བརྩོན་འགྲུས། འཚམས་ཚ་ངག་དབང་ཤེས་རབ། ཨ་མཆོག་བླ་མ་བློ་བཟང་དཔལ་འབྱོར། སྔགས་རམས་པ་བློ་བཟང་ཡོན་ཏན། དགེ་བཤེས་བསོད་ནམས་ཆོས་འཕེལ། འདི་གཉིས་གོ་བསྣོལ་སའང་ཡོད། ཆོས་འབྱུང་ལས་རབ་འབྱམས་པ་ཆོས་འབྱོར་རྒྱ་མཚོ། བསོད་ནམས…

རྒྱལ་བསྟན་གངས་ཀྱི་རི་ལ་གནས་བཅས་ཤིང་།།འཛིན་མའི་རྡུལ་ལས་བརྒལ་བའི་སྐྱེ་དགུའི་མགོན།།ལུང་རིག་མཆེ་སྡེར་འབར་བའི་གདོང་ལྔ་བ།།བསྐལ་བ་རྒྱ་མཚོའི་བར་དུ་སྤྱི་བོར་འཛིན།། གཞུ་ཤུབས་དགོན་དགའ་ལྡན་བསམ་གཏན་གླིང་ནི།རབ་བྱུང་བདུན་པའི་ལྕགས་ཕོ་སྟག་སྤྱི་ལོ་ ༡༤༡༠ལོར་རྗེའི་དངོས་སློབ་ཚ་ཁོ་དཔོན་པོ་ངག་དབང་གྲགས་པས་དབེན་དགོན་བརྒྱ་དང་བརྒྱད་བཏབས་པའི་ནང་ཚན་ཨ་ཁྱམས་ཡུལ་གྱི་གྱ་གྱུའི་ལམ་གྱི་གཡོན་ཟུར་དཔལ་རྡོ་རྗེ་འཇིགས་བྱེད་ཀྱི་གནས་ཏེ་སྐུ་གཟུགས་ཡིག་འབྲུ་ཕྱག་མཚན་གྱི་རྣམ་པ་གསལ་ཞིང་མཛེས་པ་དེར། གྱ་གྱུའི་དགོན་གསང་སྔགས་དར་རྒྱས་གླིང་བཏབ། དེར་ལ…

མདོ་བ་དགོན་བསམ་གཏན་གླིང་ནི། རབ་བྱུང་བཅུ་གཉིས་པའི་དཀྱིལ་ཡས་མས་སུ། སྤྱི་ལོ་ ༡༧༢ ༠ ཡས་མས་ཤིག་ཏུ་ཁུང་རག་ཟེར་བའི་ལུང་བར། གཉན་རྩེ་དཔོན་སློབ་ཀྱིས་བཏབ་པ། དགའ་ལྡན་པ་བློ་བཟང་དཔལ་འབྱོར་གྱིས་སྤོས་པར་བཤད། རྒྱུད་ཀྱི་འདོན་ཆ་དང་ཆོས་སྤྱོད་བསྐང་གསོ་རྣམས་བཙུགས། གཉན་རྩེ་དཔོན་སློབ་མཆོག་གིས་དགོན་འདི་ཆོས་རྒྱལ་ལ་གཉེར་དུ་གཏད་པས་ཚ་ཁོ། མགོ་ལོག་གི་མི་འགས་གཙེས་པ་ལ་རྟགས་མཚན་མངོན་སུམ་དུ་བསྟན། ལྕགས་མཁར་ཟུར་བཅུ་དྲུག་པ་བཙུགས། དགའ་ལྡན་པ་ངག་དབང་རིན་ཆེན་དང༌།བྱང་ཆུབ་དབང་རྒྱལ་གཉིས་ཀྱིས་ཀྱང་བསྐྱངས། མདོ་བ་ཡར་འཕེལ་ཚང་ཞེས་པའི་དགེ་སློང་བ…

ན་མོ་གུ་རུ་བཛྲ་ཊཱ་ཀི་ཎི་ཡེ།ཟབ་གསལ་གཉིས་མེད་ཡེ་ཤེས་ཆེན་པོའི་སྐུ།།རྣལ་འབྱོར་མ་མཆོག་པདྨས་རྗེས་བསྐྱངས་པའི།།འགག་མེད་བདེ་བ་ཆེན་པོའི་ཡེ་ཤེས་གང་།།བདེ་ལེགས་སྩོལ་མཛད་ལྷག་པའི་ལྷ་དེར་འདུད།། དེ་ཡང་བཙུན་མའི་དགོན་བདེ་ཆེན་ཆོས་འཁོར་གླིང་ནི། རྔ་ཡུལ་བསུ་སྨད་མཁའ་འགྲོ་འདུ་གནས་སུ། རྗེ་ཁཱ་ཤཱི་དཔོན་སློབ་ངག་དབང་ཕུན་ཚོགས་རིན་པོ་ཆེའི་སྐུ་ཚེའི་སྨད་དུ་ཁུ་སིམ་དབེན་པའི་གནས་སུ་མཐོང་བར་ཁཱ་སྒོ་སྡུན་གཉིས་ཀྱིས་ཐོག་མར་གཟིམས་ཁང་ཆུང་ངུ་ཞིག་གསལ་དུ་བཞེངས། དེ་རྗེས་རྗེ་ཉིད་དཔལགསང་བ་འདུས་པའི་བསྙེན་འཚམས་སོགས་གསང་སྔགས་ཟབ་མོའི་ཐུན་མཚམས་སུ་ར…