༄༅།།གྲངས་རིང་ཚོགས་གཉིས་རོལ་མཚོ་བསྲུབས་ལས་སྐུ་བཞིའི་བང་རིམ་མཛེས་པ་བསྐལ་བའི་རྒྱན།།འགག་མེད་དྲུག་ཅུའི་དབྱངས་འདིས་སྟོང་དང་རྟེན་འབྱུང་དབང་པོ་རབ་ཀྱི་རྣ་བར་འཇེབས།།མ་འདྲེས་ཇི་ལྟ་ཇི་སྙེད་ཆོས་ཀུན་མཁྱེན་པའི་ཡེ་ཤེས་འོད་སྣང་བྱེ་བ་འགྱེད།།སྟོབས་བཅུ་མངའ་བའི་ཞབས་ཀྱི་པད་མོ་དུས་འདིར་རིགས་པ་སྨྲ་བས་གཙུག་གིས་བསྟེན།།སྟོང་པར་གྲུབ་པས་རྟེན་འབྱུང་དང་།།རྟེན་འབྱུང་རིགས་པས་སྟོང་པ་སྟེ།།རོ་གཅིག་གཟིགས་པའི་ཞབས་ཀྱི་མཐིལ།།མཁས་པའི་གཙུག་ཏུ་ངལ་གསོ་མཛད།།རྟེན་འབྱུང་སྟོང་བར་བསྲེས་པས་འཁོར་འདས་ཀུན།།འགལ་འདུ་མེད་པར་ཆོས་ཀུན་སྒྱུ་མ་རུ།།ལེགས་པ…