༄། །ཁང་དམར་དགོན་ཨེ་ཝཾ་བདེ་ལྡན་གླིང་གི་གདན་རབས་མདོ་ཙམ་བརྗོད་པ། རྗེ་མཁན་ཆེན་ཚ་ཁོ་བ་ངག་དབང་གྲགས་པ་མཆོག་དབུས་འགྱུར་ཞིང་ནས་ཕྱིར་མདོ་སྨད་ཕྱོགས་སུ་བསྟན་འགྲོའི་བྱ་བ་རྒྱ་ཆེན་པོ་མཛད་ཕྱིར་ཕེབས་ནས་རྒྱལ་མོ་ཚ་བ་རོང་གི་ཡུལ་ཕྱོགས་སུ་ཞབས་སོར་འཁོད་སྐབས། ས་སྐྱོང་མི་ཡི་དབང་པོ་ཀུན་དགའ་རིན་ཆེན་བློན་ཚོགས་འཁོར་དང་བཅས་པས་རང་ཡུལ་ལ་དགོན་པ་ཚུགས་དགོས་ཞེས་གསོལ་འདེབས་ཞུས་པ་དང་། མཁན་ཆེན་ངག་དབང་གྲགས་པ་ཁོང་གི་ཐུགས་བསྐྱེད་ཟབ་མོ་དུས་སུ་སྨིན་ཏེ། གནས་ཕུན་སུམ་ཚོགས་པ་འབྲུག་བཞིའི་གདོང་ཞེས་པར་ཕེབས་ཏེ་དགོན་གནས་གཟིགས་གནང་མཛད་པས། ས་དེར་རྒ…

༄། །དེ་ཡང་ལོ་རྒྱུས་ཁུངས་ལྡན་གྱི་དེབ་ཐེར་རྣམས་སུ་གསལ་འདུག་པ་རང་གི་ལག་ཏུ་སོན་པ་རྣམས་དགོད་རྒྱུ་ཡིན་པ་ལས། རྣམ་ཐར་གསལ་པོ་མེད་པ་དང་ཡོད་ཀྱང་ལག་སོན་མ་བྱུང་བ་རྣམས་འགོད་ཐབས་མ་བྱུང་། དེ་ཡང་སོག་པ་ཁང་ཚན་དུ་བཞུགས་པའི་མདོ་སྨད་ཕྱོགས་ཀྱི་མཁན་རབས་དང་སྐྱེས་ཆེན་རྣམས་ལས་དབུས་གཙང་ཕྱོགས་ནས་ཁང་ཚན་ནང་དུ་མཁན་རབས་བྱོན་ཡོད་མེད་ལོ་རྒྱུས་ཀྱི་རྒྱུ་ཆ་གང་ཡང་རྙེད་སོན་མ་བྱུང་། གྲྭ་ཚང་གི་ཆོས་འབྱུང་ཁག་ན་མཁན་རྒྱུད་གསོལ་འདེབས་དང་མཁན་རབས་རིམ་བྱོན་གྱི་རྣམ་ཐར་སོགས་བཀོད་ཡོད་ན་ཡང་མཁན་པོ་ཕལ་ཆེ་བ་ལ་ཕ་ཡུལ་གང་ཡིན་དང་། ཁང་ཚན་མི་ཚན་གང་ཡིན་སོགས…

༄། །དེ་ནས་རྗེ་བདག་ཉིད་ཆེན་པོ་འདི་གངས་ཅན་མཁས་པའི་གཙུག་རྒྱན་ཞེས་མཚན་གྱི་ཅོད་པན་ཇི་ལྟར་བཞེས་པའི་ཚུལ་ནི། རྗེ་བདག་ཉིད་ཆེན་པོ་འདིའི་རྣམ་པར་ཐར་པ་ཇི་སྙེད་མཆིས་པ་རྣམས་ནི་རྗེས་འཇུག་གི་གདུལ་བྱ་རྣམས་ཀྱི་དད་པའི་གསོས་སུ་འགྱུར་བ་ཤ་སྟག་ཡིན་པ་སྨོས་ག་ལ་དགོས། དེ་དག་མདོར་དྲིལ་ཏེ་ཚིག་ཉུང་ངུས་གོ་སླ་བར་བརྗོད་ན། ཁོང་གི་ཉམས་ལེན་གྱི་གདམས་པ་གསུམ་ནི་བླ་མ་དང་ཡི་དམ་ངོ་བོ་ཐ་མི་དད་དུ་བྱས་པ་ལ་གསོལ་བ་རྒྱུན་དུ་བཏབ་ཅིང་བསྙེན་སྒྲུབ་བྱེད་པ། ཉིན་མཚན་དུས་དྲུག་ཏུ་ཉོན་མོངས་པའི་དབང་དུ་མ་སོང་བར་བསགས་སྦྱང་གཉིས་ལ་ལེགས་པར་འབད་པ། མདོ་རྒྱུད་བ…

༄། །རྗེ་བདག་ཉིད་ཆེན་པོའི་མཛད་ཆེན་བཞི་ཞེས་ཡོངས་སུ་གྲགས་པའི་དང་པོ་རྫིང་ཕྱིའི་བྱམས་པ་ཞིག་གསོས་ནི། རྗེ་བདག་ཉིད་ཆེན་པོ་དགུང་ལོ་སོ་དྲུག་བཞེས་སྐབས་གྲྭ་རྐྱང་དཀྱུས་མ་ཞིག་གི་ངང་ཚུལ་བྱས་ནས་བྱ་བྲལ་དུ་ཕེབས། དེའི་ཕྱིས་སུ་(༡༣༩༤)དགུང་ལོ་སོ་བརྒྱད་བཞེས་མཚམས་འོལ་ཁར་ཕེབས་པ་ན། རྫིང་ཕྱི་ཞེས་པ་དེར་རྗེ་བཙུན་བྱམས་པའི་སྐུ་ཤིན་ཏུ་འོ་བརྒྱལ་བ། ཐལ་རྡུལ་དང་བྱ་རྟུག་སོགས་འབགས་བཙོག་གི་ཁྲོད་ན་ལྷག་འདུག་པ་གཟིགས་ནས། ཁོང་གི་ཐུགས་ཀྱིས་མ་བཟོད་པར་ཁོང་དཔོན་སློབ་རྣམས་ཀྱི་ཡོ་བྱད་ཕྲན་ཚེགས་ཚུན་ཆད་བཙོངས་ནས་བྱམས་སྐུ་ཞིག་གསོས་ཀྱི་འགྲོ་གྲོན་ཏུ་…

༄། །རྗེ་བདག་ཉིད་ཆེན་པོ་འདི་འཇིག་རྟེན་འདིར་བྱོན་ནས་བསྟན་པ་དང་འགྲོ་བའི་དོན་དུ་གསུང་རབ་ཇི་སྙེད་ཅིག་ལྗགས་རྩོམ་མཛད་ཡོད་པ་རྣམས་ལས་གྲྭ་ཚང་རིན་པོ་ཆེའི་ཆོས་འབྱུང་དེབ་ཕྲེང་གཉིས་པའི་ནང་གསལ་བ་ཇི་བཞིན་དུ་བཀོད་ན། དང་པོ་བསྟོད་པ་དང་གསོལ་འདེབས་ཀྱི་སྐོར། ལམ་རིམ་བརྒྱུད་འདེབས་ལམ་མཆོག་སྒོ་འབྱེད། ཉེར་བརྒྱུད་གསོལ་འདེབས། རྒྱན་དྲུག་མཆོག་གཉིས་ཀྱི་བསྟོད་པ། རྗེ་རེད་མདའ་བའི་བསྟོད་པ་གསུམ། གྲགས་པ་བྱང་ཆུབ་པའི་གསོལ་འདེབས་གཉིས། ས་སྐྱ་པའི་གསོལ་འདེབས། བླ་མ་དམ་པ་བསོད་རྒྱན་གྱི་བསྟོད་པ། བློ་གྲོས་སེང་གེའི་བསྟོད་པ། ལྷོ་བྲག་གྲུབ་ཆེན་གྱ…

༄། །རང་ཅག་འགྲོ་བ་ཡོངས་ལ་བཀའ་དྲིན་འགྲན་ཟླ་དང་བྲལ་ཞིང་མཚན་བརྗོད་པར་དཀའ་བ་འཇམ་མགོན་ཆོས་ཀྱི་རྒྱལ་པོ་ཤར་རྒྱལ་བ་ཙོང་ཁ་པ་ཆེན་པོ་བློ་བཟང་གྲགས་པའི་དཔལ་ཞེས་ས་གསུམ་ན་ཡོངས་སུ་གྲགས་པ་འདི་ཉིད་ཀྱི་རྣམ་པར་ཐར་པ་ཆུ་གཏེར་གྱི་རྒྱ་མཚོ་ཆེན་པོ་ལྟ་བུ་ལས་ཆུ་ཐིགས་ཀྱི་ཟེགས་མ་ཙམ་ཞིག་འདིར་དགོད་པར་བྱ་བ་ལ། དེ་ཡང་རྗེ་ཙོང་ཁ་པ་བློ་བཟང་གྲགས་པ་འདི་ཉིད་ཀྱི་སྐུ་གསུང་ཐུགས་ཀྱི་ཡོན་ཏན་སྤྱི་དང༌། ཁྱད་པར་དུ་ཐོས་བསམ་སྒོམ་གསུམ་དང་། འཆད་རྩོད་རྩོམ་གསུམ་དང༌། མཁས་བཙུན་བཟང་གསུམ་གྱི་ཡོན་ཏན་རེ་རེ་ནས་བརྗོད་ན་ལྕེ་ཡི་དབང་པོ་སྟོང་དུ་སྤྲུལ་ནུས་ན་ཡང་བད…

༄། །བོད་རབ་བྱུང་དྲུག་པའི་མེ་བྱ་(༡༣༥༧)ལོར་མདོ་སྨད་ཀྱི་སའི་ཆ་ཤར་ཙོང་ཁའི་ཡུལ་དུ་ཡབ་ད་ར་ཁ་ཆེ་ཀླུ་འབུམ་དགེ་དང༌། ཡུམ་ཤིང་བཟའ་ཨ་ཆོས་གཉིས་ཀྱི་སྲས་སུ་སྐུ་བལྟམས། དགུང་ལོ་གསུམ་ལ་ཆོས་རྗེ་ཀརྨ་པ་སྐུ་ཕྲེང་བཞི་པ་རོལ་པའི་རྡོ་རྗེ་ལས་དགེ་བསྙེན་གྱི་སྡོམ་པ་བཞེས་ཤིང༌། མཚན་ཀུན་དགའ་སྙིང་པོ་ཞེས་གསོལ། དགུང་ལོ་བདུན་ལ་ཆོས་རྗེ་དོན་གྲུབ་རིན་ཆེན་པས་མཁན་པོ་མཛད་པ་དང༌། ཏ་དབེན་གཞོན་ནུ་སེང་གེའི་སློབ་མ་གཞོན་ནུ་བྱང་ཆུབ་པས་སློབ་དཔོན་མཛད་དེ་དགེ་ཚུལ་གྱི་སྡོམ་པ་བཞེས་ནས་མཚན་བློ་བཟང་གྲགས་པ་ཞེས་གསོལ། ཆོས་རྗེ་དོན་གྲུབ་རིན་ཆེན་གྱིས་རྗེ་ཙོང་…

༄། །གསང་ཕུ་དང་བདེ་བ་ཅན་སོགས་གདན་ས་ཆེན་པོ་རྣམས་སུ་མདོ་སྔགས་གཞུང་ལུགས་ལ་ཐོས་བསམ་སྒོམ་གསུམ་དང༌། འཆད་རྩོད་རྩོམ་པ་རྒྱ་ཆེར་གནང་ནས་སངས་རྒྱས་ཀྱི་བསྟན་པ་བཤད་སྒྲུབ་གཉིས་ཀྱི་སྒོ་ནས་བྱ་བས་དུས་འདའ་བར་མཛད་པ་བདག་གིར་བྱས། དགུང་ལོ་ཉི་ཤུ་རྩ་ལྔ་བཞེས་མཚམས་ཡར་ལུང་རྣམ་རྒྱལ་དུ་ཕེབས་ཏེ་ཁ་ཆེ་པཎྜི་ཏ་ཤཱཀྱ་ཤྲི་བྷ་དྲའི་མཁན་བརྒྱུད་ཚོགས་ཆེན་པའི་མཁན་པོ་དཀའ་བཞི་ཚུལ་རིན་པས་མཁན་པོ་དང༌། ཚོགས་པ་བྱི་རྫིང་བས་མཁན་པོ་འདུལ་འཛིན་ཤེར་མགོན་གྱིས་ལས་སློབ། སྡོམ་བརྩོན་བསོད་ནམས་རྡོ་རྗེས་གསང་སྟོན་མཛད་ནས་བསྙེན་པར་རྫོགས་པའི་སྡོམ་པ་བཞེས། དགུང་གྲངས…